ይሁዳ ማለት ምስጋና ማለት ነው። የይሁዳ ሕዝብ ግን ሁልጊዜም እንደስሙ የሆነ ሕዝብ አልነበረም። በተደጋጋሚ በእግዚአብሔር ፊት ክፉን ነገር ያደርጉ ነበር። ስለዚህም እግዚአብሔር ከብዙ ማስጠንቀቂያ እና መልዕክት በኋላ ለ 70 አመት ለባቢሎን አገዛዝ አሳልፎ ይሰጣቸዋል (ኤር 29) ። በአንድ ወቅት እነ ዳዊትን፣ ሰለሞንን፣ ኢዮሲያስን በመሰሉ መልካም ነገስታት የተመራው ይህ ሕዝብ በጥፋቱ ምክንያት 70 አመት ለባዕድ ሕዝብ አገዛዝ ተላለፎ ተሰጠ።
አንድ የጎልማሶች ትምህርት ክፍለ ጊዜ ላይ መምህሩ "እስቲ ስህተት ሰርታችሁ የማታውቁ እጃችሁን አውጡ" ብለው ተማሪውን ሲጠይቁ ሁሉም ተማሪ ሲሳሳቅ አንድ እጅ ብቻውን ከፍ ብሎ ወጣ። መምህሩ በመደነቅ እጁን ያወጣውን ተማሪ እንዲናገር ይፈቅዱለታል። እጁን ያወጣው ተማሪ እንዲህ ብሎ ይናጋራል "ይቅርታ መምህር.. እኔ በሕይወቴ ስህተት ሰርቼ አላውቅም"። መምህሩ ስቀው "ይቅርታው ታዲያ ለምንድን ነው?" አሉት ይባላል።
ሁላችንም ስህተት መስራትን ደግሞ ይቅርታ መጠየቅን ልማዳችን አድርገነዋል። ስህተት ሲደራረብ እና ይቅርታ መጠየቅ እና መመለስ ሲጠፋ ግን ለቅጣት እንዳረጋለን። የይሁዳ ሕዝብም ለቅጣት ተዳርጎ ነበር። ስህተት ቅጣትን ትወልዳለችና።
ግን ደግሞ ተስፋ አለ! እግዚአብሔር እንደተናገረው የሰባው አመት ቅጣት በተፈጸመ ጊዜ ይህንን ሕዝብ ጎበኘው (ዕዝራ 1:1) ። እንዲሁ እኛ በተደጋጋሚ ሃጢአት በመውደቅ ከመንገድ ወጥተን ሊሆን ይችላል። እግዚአብሔር አምላክ የቅጣታችን ፍጻሜ የሆነውን አንድያ ልጁን ኢየሱስ ክርስቶስን በመስቀል ላይ ስለ እኛ ሰቅሎታል (ኢሳይያስ 53:8፣ ሮሜ 5:6)። ስለዚህም በክርስቶስ ሞት እና ትንሳኤ እኛ አዲስ መንገድ እንድንጀምር ተመርቆልናል (ዕብራውያን 10:19-20)።
ስለዚህም ያለፈውን ሃጢአታችንን፣ በደላችንና የምንከሰስበትን ሁሉ በክርስቶስ ኢየሱስ ላሉት ኩነኔ እንደሌለባቸው (ሮሜ 8:1) በማወቅ እና በመረዳት በተመረቀልን አዲስ መንገድ እንጓዝ!
Day 1 Day 2Day 3Day 4Day 5Day 6Day 7Day 8Day 9
