Tuesday, 19 March 2024

ቀን 5 - "ትምህርታቸው እንደማይሽር ቁስል ይሠራጫል፤ … እነዚህም ከእውነት ርቀው የሚባዝኑ ናቸው" 2ኛ ጢሞቴዎስ 2:18

Posted On %PM, %07 %836 %2018 %22:%Jun Written by

በእድሜ ገፉ የስኳር ህመምተኞችን (በተለይ) ከሚያጠቁ ሕመሞች አንዱ ጋግሪን “Gangrene” ነው። ጋንግሪን በእግር ጣቶች ላይ እንደ ቁስል ሆኖ ሕዋሳትን እየገደለ ይጀምርና ቀስ እያለ እየሰፋ እየሰፋ ሙሉ እግርን ሊያዳስ ይችላል። ስለዚህም ለዚህ ጋንግሪን ሕክምናው ጋንግሪኑ የወጣበት የሰውነት ክፍልን መቁረጥ ነው። አለበለዚያ ግን ይህ ጋንግሪን ሰፍቶ ሕይወትን አደጋ ውስጥ ሊከት ይችላል።

በሐዋርያው ጳውሎስ የመጨረሻ ቀናት በቤተ ክርስቲያን ውስጥ ጋንግሪን ገብቶ ነበር። ይህ ጋንግሪን የሀሰት ትምህርት ነው። ሐዋርያው ጳውሎስ ይህንን የሐሰት ትምህርት የገለጸበት መንገድ "እንደማይሽር ቁስል" ወይም በእንግሊዘኛው “Gangrene” (ጋግሪን) በሚል መግለጫ ነው። የሐዋርያውን ጽናት ሊገዳደር ብቻ ሳይሆን ጽናቱን ሊያጠፋ የሚችል ጋንግሪን - የሀሰት ትምህርት ቤተ ክርስቲያን ውስጥ እየገባ ነበር።

ይህ የሐሰት ትምህርት ‹ትንሳኤ ከአሁን በፊት ሆኖአል› የሚል እንደነበር እናነባለን (2ኛ ጢሞቴዎስ 2:18) ። ይህንን የሃሰት ትምህርት ከሚያባዙት ሰዎች መካከልም ሄሜኔዎስ እና ፊሊጦስ ይገኙበታል (ቁ 17)። የዚህ ስህተት ትምህርት አደጋው ደግሞ የክርስቲያኖች ተስፋ የሆነውን ትንሳኤን ማብቃቱን እና ማለፉን ማስተማሩ ነው። በሌላ አነጋገር ክርስቲያኖች "ተስፋ የላችሁም! ሞት ማብቂያችሁ ነው" እየተባሉ ነው። ታዲያ ይህ አስተምህሮ ስርጭቱ እንደ ጋንግሪን ነው (ቁ 18) ። ከታች ጀምሮ ወደ ላይ መንፈሳዊነትን እየገደለ ምድራዊነትን እያስፋፋ የሚሄድ የሃሰት አስተምህሮ ነበር።

ከምንም በላይ ጳውሎስ የታገለለትንና መከራ የተቀበለለትን ጉዳይ ገደል የሚከት አስተምህሮ ነበር። ሐዋርያው የሰበከው እና የኖረው ስለ ሰማያዊ ምስጢርና ስለሙታን ትንሳኤ ነው። ታዲያ በመጨረሻዎቹ ቀናት እንደ ጋንግሪን እየሰፋ የተነሳው አስተምህሮ ጽናቱን ያሳጣው ይሆን? በፍጹም! ሐዋርያው በእምነቱ ጽኑ ነበር! እንደውም ወደ ፊት የድልን አክሊል እንደሚቀበል ይናገራል (2ና ጢሞቴዎስ 4:8) ። ይህም የሚሆነው በቅዱሳን ትንሳኤ ነው! (የዮሐንስ ራዕይ 19:6)

በዚህ ዘመን እንደ ጋንግሪን እየተዛመቱ ያሉ የሀሰት ትምህቶች እና አስተሳሰቦች አሉ። "እግዚአብሔር የለም" ፣ "ከሞት በኋላ ሕይወት የለም" ፣ "ክርስቶስ አልሞተም" ፣ "ክርስቶስ ከሞት አልተነሳም"… ወዘተ ይገኙበታል። በእነዚህ የሃሰት አስተምህሮዎች እና አስተሳሰቦች ፊት ቆመን በጽናት የክርስቶስን ወንጌል እናውጃለን? ሐዋርያው ጸንቶ በማለፉ ከእርሱ ከምዕተ አመት በኋለ "የሐዋርያት እምነት መግለጫ" ተብሎ በሚጠራው የክርስቲያኖች የቆየ ውስጥ "በሙታን ትንሳኤ አምናለሁ" የሚል አረፍተ ነገር አለበት! የጽናት ውጤት!

ጳውሎስን ከጎኑ ቆሞ ያበረታ እና ያጸና አምላክ (የሐዋርያት ሥራ 23፡11) እኛንም ያበርታን ደግሞም ያጽናን! አሜን!

 

 IntroductionDay 1 Day 2Day 3Day 4Day 5Day 6Day 7Day 8

 

Subscribe to get our devotionals to your email, everyday!

ከሮሜ 8:35 ውስጥ ልንማራቸው የምንችለው ሦስት ነገሮች

ከክርስቶስ ፍቅር ማን ይለየናል? መከራ፥ ወይስ ጭንቀት፥ ወይስ ስደት፥ ወይስ ራብ፥ ወይስ ራቁትነት፥ ወይስ ፍርሃት፥ ወይስ ሰይፍ ነውን? (ሮሜ 8፡35) ...

Jonathan Parnell - avatar Jonathan Parnell

ጨርሰው ያንብቡ

የእግዚአብሔር ሞራላዊ (ግብረ ገባዊ) እና ሉአላዊ ፍቃዶች

የእግዚአብሔርን ሞራላዊ (ግብረ ገባዊ) እና ሉአላዊ ፍቃዶች መለየት እንድትችሉ ልረዳችሁ እፈልጋለሁ። ቀጥሎ ባሉት ሁለት ሃሳቦች መሀከል ያለውን ተቃርኖ መረዳት...

John Piper - avatar John Piper

ጨርሰው ያንብቡ

 

The views and opinions expressed on Daily Injera are solely those of the original authors and our contributors. These views and opinions do not necessarily represent Daily Injera or our Staff.

Newsletter

Subscribe to our newsletter. Don’t miss any article, devotionals or wallpapers.

We do not spam!

You're automatically subscribed to bi-weekly articles and daily devotionals. You can customize your subscription settings here.