Friday, 22 February 2019

ቀን 4 - "ሰዎች ትክክለኛ የሆነውን ትምህርት የማይቀበሉበት ዘመን ይመጣል" 2ኛ ጢሞቴዎስ 4:3

Posted On %PM, %06 %834 %2018 %22:%Jun Written by

የዘመናችን አንድ ሰባኪ ‹ሐዋርያው ጳውሎስ ወደ ሮም ኮሎሴዩም (ስቴዲየም) ሊገደል ሲያመራ ወደ አይምሮው ምን አይነት ሐሳብ ይመጣ ይሆን?› ብሎ ይጠይቅና ለጥያቄው ‹ምናልባት እርሱ ከሞተ በኋላ ወንጌል ይቀጥል ይሆን ወይስ መከራን ያየለት ወንጌል አንድ ትውልድ ላይ ይቆም ይሆን? የሚለውን እያሰበ ሊሆን ይችላል› ብሎ ራሱ ይመልሳል። የዚህ ሰባኪ ምልከታ እውነት ነው። ዘመናችሁን በሙሉ የኖራችሁለትንና መከራ የተቀበላችሁለትን ጉዳይ በሞት አፋፍ ስትደርሱ ቀጣይነቱን ካላረጋገጣችሁ እና እንዲሁ እንደባከናችሁ ካወቃችሁ እጅግ በጣም ልባችሁ ይሰበራል።

ሐዋርያው ጳውሎስ ምንም እንኳ ክርስቶስ ራሱ የመሰረታት እና አለት ሆኖ ያጸናትና ያቆማትን ቤተ ክርስቲያን ሲያገለግል የኖረ ቢሆንም የወደ ፊቱን የቤተ ክርስቲያን ሁኔታ ሲያስብ ግን ጥሩ ነገር አልታየውም ነበር። ይልቅስ ብዙዎች ‹ትክክለኛ የሆነውን ትምህርት የማይቀበሉበት ዘመን› እንደሚመጣ አይቶ በእምነት ልጁ የሆነውን ጢሞቴዎስን ሲያስጠነቅቀው እናነባለን (2ኛ ጢሞቴዎስ 4:3) ። ሐዋርያው በመጨረሻዎቹ ቀናት የተጋፈጠው በጊዜው ከነበረው ክህደት እና ተቃውሞ ጋር ብቻ ሳይሆን ገና ከእርሱ ዘመን በኋላ ሊመጣ ካለው አስፈሪ ክህደት ጋርም ነበር።

መጽሐፍ ቅዱስ ቀጣዩ ዘመን ጥሩ ነው ብሎ ተስፋ አይሰጠንም። አለም በክፋቷ እየቀጠለች ፤ ብዙዎች ከእውነት እየራቁ እና ወደ ክህደት እያመሩ እንደሚመጡ አመልክቶናል (2ኛ ጢሞቴዎስ 3:1-9)። ይህንን አስፈሪ የወደፊት ሁኔታ እያሰበን ዛሬ ላይ ወንጌሉን ለመስበክ እና በእውነተኛ ከክርስቲያናዊ ኑሮ ለመገኘት ጽናቱ ያለን ስንቶቻችን ነን?

ሐዋርያው ጳውሎስ ምንም እንኳ የወደፊቱ የዓለም እና የቤተክርስቲያን ሁኔታ አስጊ እንደሆነ ልቡ ቢያውቅም ከዚያ በበለጠ ሁኔታ የኢየሱስ ክርስቶስን መገለጥ(2ኛ ጢሞቴዎስ 4:1) የሚጠባበቅ እና የሚናፍቅ ስለነበረ ደግሞም የክፋቱ እና የክህደቱ መብዛት በሙሉ የጌታን መምጫ መቅረብ አመላካች እንደሆነ ስለተረዳ በጽናት እምነቱን ጠብቆ ጉዞውን ፈጽሟል።

ስለ አለም ሁኔታ ምን ይታየናል? ስለ ቤተ ክርስቲያንስ? እለት እለት የምንሰማቸው ዜናዎች አስጨናቂ እና አስጊ አይደሉምን? ይህ የወደፊት ሁኔታ ከፊታችን እንዳለ በማወቅ ዛሬ ላይ ጸንተን ከወንጌሉ የተጣበቅን ስንቶቻችን ነን?

ጳውሎስን ከጎኑ ቆሞ ያበረታ እና ያጸና አምላክ (የሐዋርያት ሥራ 23፡11) እኛንም ያበርታን ደግሞም ያጽናን! አሜን!

 

 IntroductionDay 1 Day 2Day 3Day 4Day 5Day 6Day 7Day 8

 

Subscribe to get our devotionals to your email, everyday!

ብዙ ክርስቲያኖች ደስተኛ ያልሆኑት ለምንድን ነው?

ለምንድን ነው ብዙ ክርስቲያኖች ደስተኛ ያልሆኑት? ደስታ የደህንነት ስሜት ነው። “. . .  የነፍሳችሁን መዳን እየተቀበላችሁ፥ በማይነገርና ክብር በሞላበት ...

Jim Johnston - avatar Jim Johnston

ጨርሰው ያንብቡ

የእግዚአብሔር ጸጋ ከአዕምሮ በላይ ነው

መጽሀፍ ቅዱስ እግዚአብሔር ቸር አምላክ እንደሆነ ይናገራል። ብዙ ሰዎች ግን ይህንን ለማመን ይቸገራሉ። አንዳንዶች ጸጋ ምን እንደሚመስል ሲያስቡ ይገረማሉ። የእ...

Phillip Holmes - avatar Phillip Holmes

ጨርሰው ያንብቡ

 

The views and opinions expressed on Daily Injera are solely those of the original authors and our contributors. These views and opinions do not necessarily represent Daily Injera or our Staff.

Newsletter

Subscribe to our newsletter. Don’t miss any article, devotionals or wallpapers.

We do not spam!

You're automatically subscribed to bi-weekly articles and daily devotionals. You can customize your subscription settings here.