Friday, 22 February 2019

ታላቅ ሽልማት

Posted On %PM, %10 %676 %2016 %18:%Dec Written by

በሕይወት ዘመኔ ሁሉ ከሚያስቸግረኝ ነገር ውስጥ በክርስትና ሕይወት ውስጥ መሠረታዊ በሚባለው የግል የጥሞና ጊዜ ውስጥ ነፃነት ማግኘት ነው። በእርግጥ አላደርጋቸውም ማለቴ አይደለም፤ ነገር ግን ተፈጥሯዊ እና በቀላሉ የሚመጡ አይደሉም። ጠዋት ከእንቅልፌ ስነቃ መጽሐፍ ቅዱስን ለማንበብ እና ለመጸለይ በጉጉት እንዲሆን እፈልጋለሁ። ጠዋት ስነሳ “ከእግዚአብሔር እስክሰማ ደግሞም እስካናግረው ቸኩያለሁ” የሚል ሀሳብ እንድነሳ እፈልጋለሁ። ነገር ግን ብዙ ጊዜ ለመታዘዝ ስል ብቻ ሳነብ እና ስጸልይ እራሴን አገኘዋለሁ። ይህ ግዴታዬ በደስታ የሚታጀበው በጣም ጥቂት ጊዜ ነው።

ሁል ጊዜ ግን እንደዚያ አይደለም። አንዳንድ ጊዜዎች አሉ፤ የምወዳቸው፤ አስደናቂ ደስታ እና ነፃነት ያለባቸው። ለሳምንታት አሁን እንደዚህ ባለ ወቅት ውስጥ አለው። መጽሐፍ ቅዱስ ለማንበብ እና ለመጸለይ ጊዜ መውሰድ ታላቅ ደስታ ሆኖልኛል። በአሁኑ ጊዜ ታዲያ በመጽሐፍ ቅዱስ ስለመደሰት ወደሚያወሩ የመጽሐፍ ቅዱስ ክፍሎች ተስቤአለሁ። በመዝሙር 19 ደግሞም ስለዚህ ታላቅ የእግዚአብሔር ስጦታ ዳዊት ያለውን ደስታ በአግራሞት ስመለከት ነበር። የእግዚአብሔር ቃልን ጥቅም በብዛት ከዘረዘረ በኋላ እንዲህ ይላል፣

ከወርቅና ከክቡር ዕንቍ ይልቅ ይወደዳል 

ከማርና ከማር ወለላም ይጣፍጣል።

ባሪያህ ደግሞ ይጠብቀዋል 

በመጠበቁም እጅግ ይጠቀማል።

የእግዚአብሔር ቃል እጅግ ውድ እንደሆነ ዳዊት ይነግረናል። ዳዊት በሀገሩ ላይ ንጉሥ ነው እናም ወደ ሀብቷ ሁሉ ሊደርስ ይችላል፣ ነገር ግን ከሁሉ ይልቅ ከሚበልጥ የእግዚአብሔር ቃል ጋር ሲወዳደሩ ምንም አንዳልሆነ አየ። የሌሎች ሰዎች መሻት እራሳቸውን በወርቅ ማበልጸግ ሲሆን የእርሱ መሻት ግን መጽሐፍ ቅዱስን በመጠቀም በእግዚአብሔር ጥበብ እራሱን ማበልጸግ ነው።

የእግዚአብሔር ቃል አስደሳች እንደሆነ ዳዊት ይነግረናል። ከማር ይልቅ የሚጣፍጥ ተፈጥሮአዊ ነገር ይኖራል ብዬ አላስብም፤ ይሁን እንጂ ዳዊት የእግዚአብሔር ቃል ከማርና ከማር ወለላም ይጣፍጣል ብሎ ያውጃል። ማር አይንን እንደሚያበራ የእግዚአብሔር ቃልም ነፍስን ያበራል። 

የእግዚአብሔር ቃል ጠባቂ እንደሆነ ዳዊት ይነግረናል። በቃሉ ውስጥ የተገለጠው የእግዚአብሔር ጥበብ ከኃጢያት እና መዘዞቹ እንደሚያስጠነቅቀው እና እንደሚጠብቀው ያውቃል።

የእግዚአብሔር ቃል ማትረፊያ እንደሆነ ዳዊት ይነግረናል። የአግዚአብሔር ቃል ማስጠንቀቅ ብቻ ሳይሆን ትርፍም አለው። የእግዚአብሔርን ጥበብ የሚጠብቁ ደግሞም ሕጉን የሚታዘዙ ከእግዚአብሔር ጋር አካሄድን በማድረግ የሚመጣን ጥቅም ሁሉ ይቀበላሉ። ከሁሉ የሚበልጠውን ሽልማት ይቀበላሉ እርሱም በየቀኑ ከእግዚአብሔር ጋር ደግሞም በእግዚአብሔር ውስጥ መሆናቸው ነው።

የእግዚአብሔር ቃል እጅግ ውድ ፣ አስደሳች ፣ ጠባቂ እና ማትረፊያ ነው። እንዴት ያለ ስጦታ ነው!

 

Originally Posted at Challies, Translated by Joshua Terefe


 

Last modified on %PM, %10 %784 %2016 %20:%Dec
Tim Challies

Tim Challies (@challies) serves as a pastor at Grace Fellowship Church in Toronto, Ontario. He is an author and writes regularly at challies.com.

የክርስቶስ ጠባሳዎች

“እጆቼን እና እግሮቼን ተመልከቱ፡እኔው ራሴ ነኝ ደግሞም ንኩኝ እና እዩ ይህንንም ብሎ እጆቹን እና እግሮቹን አሳያቸው” ሉቃ 24፡39 ...

Genaye Eshetu - avatar Genaye Eshetu

ጨርሰው ያንብቡ

እናትነት ትልቅ ኃላፊነት ነው

እናትነትን ለመግለፅ አንድ ቃል መምረጥ ቢኖርብኝ “መለወጥ” የሚለውን ቃል እመርጣለሁ። ስራ የበዛባት እናት እያንዳንዱ ቀኗ ቢታይ ብዙ ስራዎችን ትሰራለች። በ...

Rachel Jankovic - avatar Rachel Jankovic

ጨርሰው ያንብቡ

 

The views and opinions expressed on Daily Injera are solely those of the original authors and our contributors. These views and opinions do not necessarily represent Daily Injera or our Staff.

Newsletter

Subscribe to our newsletter. Don’t miss any article, devotionals or wallpapers.

We do not spam!

You're automatically subscribed to bi-weekly articles and daily devotionals. You can customize your subscription settings here.