እናትነትን ለመግለፅ አንድ ቃል መምረጥ ቢኖርብኝ “መለወጥ” የሚለውን ቃል እመርጣለሁ።

ስራ የበዛባት እናት እያንዳንዱ ቀኗ ቢታይ ብዙ ስራዎችን ትሰራለች። በዘወትር ቀኗም ውስጥ የምታደርገውን ነገሮች እንዳለ ብናይ ነገሮችን የመለወጥ ሂደት ውስጥ እንደሆነች  እናያለን፤ የቆሸሹትን ልጆቿን አጥባ ማንፃት ፣ ሲርባቸው መመገብ፣ ሲደክማቸው ማስተኛት፣  የተዘበራረቀውን ማስተካከል፣ የቆሸሹትን ልብሶች ማጠብ፣ የከፋቸውን ልጆች ማጫወትና ባዶ የሆነውን መሶብ መሙላት፣ ብዙ ብዙ ማለት ይቻላል። እኛም ሁልጊዜ የተዘባረቀን ነገር፤ ረሀብ እና ስርዓት አልበኝነትን ስንዋጋ እንውላለን አንዳንዴም ይሳካልናል። ኋላም ቀን መሽቶ ቀን ሲተካም ሁሉ ነገር ይገለጥና በማለዳ ይህንኑ የለውጥ ሂደቱን እንቀጥላለን።