በአላት በደረሱ ቁጥር በሄድንበት ቦታ ሁሉ የምናገኛቸው ሰዎች ደስተኞች መሆን እንዳለብን ይነግሩናል። 

ይሁን እንጂ ወዳጆቻቸውን በቅርቡ ላጡ ሰዎች በዓሉ ሊደሰቱበት የሚገባቸው ነገር መሆኑ ቀርቶ እስኪያልፍ የሚጓጉት ነገር ሊሆንባቸው ይችላል። ለበአሉ ታላቅ ደስታን እና ትርጉምን መስጠት የሚችሉት ባህሎች እና ትዕይንቶች፣ የምንወደው ሰው ይህን ደስታ አብሮን ይካፈል ዘንድ አለመቻሉን በሚያስታውሱ አስጨናቂ ትውስታዎች ይዋጣሉ። ብዙዎች እነዚህ የበአል ወቅቶች እስኪያልፉ ድረስ ሊደበቁባቸው የሚችሉበት ጸጥ ያለ ቦታ ባገኝ ብለው ይመኛሉ።

የሳሎን ማዕዘን ላይ የሚቀመጡ አረንጓዴ ዛፍ መሰል ፕላስቲኮች ከነአብረቅራቂ ጌጦቻቸው ሳይመጡ በፊት የዚህን ህጻን ልደት የሚያስታውሱኝ ነገሮች እምብዛም ናቸው። እነዚህ በመብራት የተሽቆጠቆጡ “ባዕድ” የገና ወቅት መለያዎች ከተማዋን አጥለቅልቀው ሳይ ድብልቅ ስሜት ይሰማኛል፡-አንድም ከቅርብ ጊዜያት ወዲህ የልደቱ ወቅት መቃረቡን ሲያመላክቱኝ፤በሌላ በኩል ከህጻኑ ልደት ጋር ያላቸውን ግንኙነት ባለመረዳቴ “እንግዳነታቸው” ይሸተኛል።