Wednesday, 18 September 2019

ዕረፉ፥ እኔም አምላክ እንደሆንኩ እወቁ

Posted On %AM, %26 %041 %2016 %03:%Oct Written by

የሰው ህይወት በምድር ላይ ብዙ ሰልፍ፣ ብዙ መከራ፣ ብዙ ፈተና እንዳለበት የእግዚአብሔር ቃል ይናገራል። የመከራውም ሆነ የፈተናው ዓይነት ብዛቱም ሆነ ዐይነቱ ከሰው ሰው ይለያይ እንጂ፣ ፈተና በሰው ህይወት ውስጥ ከማይቀሩት እውነታዎች ውስጥ አንዱ ነው።

ነገር ግን፣ አይቀሬ በሆነው የሰው ልጅ እጣ ውስጥ፣ የእግዚአብሔር ሰው ማረፍን (እረፍትን) እንዲያውቅ፣ እንዲለማመድ የእግዚአብሔር ቃል ያስተምራል። እረፍት ማለት ከመከራ፣ ከችግር ነጻ መሆን ማለት ሳይሆን በመከራና በችግር ውስጥ በማይናወጥ ሰላም፣ እውቀት፣ እምነት ውስጥ መገኘት ነው። ይህ እንዴት ይቻላል? መቼም የሰው ልጅ ችግርን ወይንም የሚገጥመውን መከራ ለማለፍ እና ለመቋቋም የማያደርገው ነገር የለም። ሆኖም በዚህ የመዝሙር ክፍል እንድምንመለከተው ማረፍ የሚመጣው

1. እግዚአብሔርን በማወቅ ነው። እግዚአብሔርን ማወቅ የእውቀት ጉዳይ ሳይሆን ማንነቱን ማወቅና ማመን ነው። ከቁጥር 1 ጀምሮ ዳዊት እግዚአብሔር መጠጊያ ነው፣ ሃይል ነው፣ ረዳት ነው፣ ከፍ ያለ ነው፣ ልዑል ነው ይለናል። እግዚአብሔር ብቻ ነው ብቸኛ ማረፊያ፣ ጉልበት ያለው፣ አቅም ያለው። ይህን ማወቅ ማረፍ ነው።

2. የእግዚአብሔርን ችሎታ ማወቅ። ማረፍ ማለት እግዚአብሔር ሁሉን የሚችል፣ ፈጣን ረዳት፣ ቀስትን መስበር፣ ጦርን መቁረጥ፣ በቃሉ ሁሉን መግዛት ማንቀጥቀጥ የሚችል፣ ሊገለፅና  ሊገመት የማይችል ሃይልና ችሎታ በውስጡ ያለ ሃያል አምላክ እንደሆነ ማወቅ ነው። የምናርፈው የእግዚአብሔርን ችሎታ ስናውቅ ነው።

3. እግዚአብሔር አምላክ ነው። እግዚአብሔር አምላክ ነው ማለት የሚያናውጠንን ችግር እና ፈታኝ ነገር ጨምሮ በሁሉ ነገር የበላይ እና የላቀ ሆኖ ያለ ማለት ነው። እግዚአብሔር አምላክ ነው ማለት በሁሉ ነገር ላይ የበላይ፣ ሁሉን የሚያይና የሚቆጣጠር፣ ሁሉ ከእርሱ ስር የሆነ፣ እርሱ ግን ብቻውን ከፍ ያለ ማለት ነው። ማረፍ የሚመጣው እግዚአብሔር አምላክ እንደሆነ ስናውቅ ነው።

4. እግዚአብሔር ታማኝነት ማመን። እግዚአብሔር አምላክ ታማኝ አምላክ ነው። ዳዊት “አምላካችን”፣ “የያዕቆብ አምላክ” እያለ በመዝሙሩ የሚጠራው እግዚአብሔር የሩቅ አምላክ አይደለም። እግዚአብሔር አምላክ ከጥንትም ከአባቶቻችን ዘመን እስከአሁን “ከእኛ” ጋር ነው። የምናልፍበት፣ የከበበን፣ የሚያስጨንቀን ሁሉ “አያስፈራንም፣ አያስደነግጠንም፣ አያናውጠንም” ምክንያቱም ትላንት እንደነበረው ዛሬም እግዚአብሔር ከእኛ ጋር ነው። የትላንቱ እግዚአብሔር የዛሬም የነገም የከነገ-ወዲያም አምላክ እንደሆነ ስናውቅ ነው የምናርፈው።

ያረፈ ሰው ይጠብቃል። ያረፈ ሰው ሰላሙ የበዛለት ነው። ያረፈ ሰው ለሌላውም ማረፍ ነው።

Last modified on %PM, %10 %806 %2016 %21:%Dec
Eyob B Kassa

Eyob Kassa is a mental health counselor, Bible teacher and preacher and lives in Northern Virginia area.

www.facebook.com/eyob.b.kassa/

የጋብቻዎን ቀን ያለ ድንግልና ማሳለፍ

አንድ ወጣት የሚከተለዉን ጥያቄ አስተላልፎልናል፡- ፓስተር ጆን፣ የሴት ጓደኛዬን እንድታገባኝ ልጠይቃት እፈልጋለሁ። ለትዳርም በምዘጋጅበት ጊዜ የቀደሙት ስህተ...

Tony Reinke - avatar Tony Reinke

ጨርሰው ያንብቡ

በርባን እና እኔ

ህዝቡ ሁሉ የኢየሱስን መሰቀል ይጠይቃል። በትረካው ውስጥ ማንን አያችሁ?

David Mathis - avatar David Mathis

ጨርሰው ያንብቡ

 

The views and opinions expressed on Daily Injera are solely those of the original authors and our contributors. These views and opinions do not necessarily represent Daily Injera or our Staff.

Newsletter

Subscribe to our newsletter. Don’t miss any article, devotionals or wallpapers.

We do not spam!

You're automatically subscribed to bi-weekly articles and daily devotionals. You can customize your subscription settings here.